2011-02-04

Pottoka arrazaren arau espezifiko berriak onartuta

Ingurumen, Lurralde Plangintza, Nekazaritza eta Arrantzako Sailburuaren 2010eko azaroaren 12ko Aginduaren bidez, Pottoka edo Euskal Poney zaldi arrazaren arau espezifikoak onartu ziren. (EHAA, 16 zkia, 2011ko urtarrilak 25)
Agindu honek, 1995eko Ekainaren 7ko Agindua indargabetzen du.

Agindu berri honekin, 1996az geroztik Administrazioak zein Pottoka Hazleen Federazioak ikerketa zoometrikoen eta zentsuen inguruan egindako lanen emaitzak bildu nahi izan dira.

Lan hauetatik ondorioztatzen denez, arraza-prototipo berri bat ezarri beharra dago, eta horrekin batera, Liburu Genealogikoa arau berrietara egokitu beharra ere.

Egia bada ere gaur egun Pottoka arrazaren egoera 1996koa baino hobera dela, desagertzeko zorian dago oraindik. Horrela, Pottokaren arraza-estandar berri hau ezarriz animaliak arraza horretarakoak direla ziurtatzeko tresnak prestatu nahi izan dira eta, aldi berean, estandarraren irizpideak batu.

Hau guztia Pottoka zaldi arraza berreskuratzeko eta genetikoki hobetzeko programak bultzatzen dituen zaldi-hazkuntza sustatzeko da.

Informazio gehiago (+)